the flert part two….

nagbalik ako sa bangko noong nakaraang linggo, ako lang mag-isa at hindi sumama si R, eh sa malamang kailangan kong tumuloy kasi kailangan kong magpadala ng pera para sa mag-ina ko.. pangbayad sa tution fee at pang field trip… anak ng tinapay, kinder may field trip na.. parang wala akong naaalala na nag field trip ako nung kinder ako ah…

anyweyz.. nandun si Ms. Employee.. in fairness blooming siya, bagong rebond ang buhok at makulay ang kasuotan (red and yellow).. nung mga oras na iyon, NAPAKARAMI.. oo hindi eto exageration, NAPAKARAMING tao sa bangko, at parang nasa pinas lang ako, ang saya-saya…

umupo ako sa may bandang dulo upang mag observe sa mga nangyayari sa loob… may nagkukwentuhan, may mamang kumakain ng mani, may nagbabasa ng libreng magasin, may nag kokol a friend gamit ang daliri at ilong (alam nyo na to di ba?) at ang target ko na maobserbahan ay si Ms. Employee…

medyo mukhang pagod na siya kasi sunod-sunod ang mga lumalapit sa kanyang customer. hindi muna ako nagpapansin, naupo ako at naghintay….

sa bandang kaliwa ko, may nakaupong babae, nakapalda siya, pinay na pinay ang features niya at  morena… kinalabit ako ng babae kaya ako napatingin… nakatitig siya sa mga mata ko… kaya agad-agad kong sinuklian ang mga tingin na malalagkit… ngumiti siya… aba.. ngumiti din ako…

medyo gusto ko munang magsuplado kaya humarap uli ako sa direksyon ng pagkakaupo ko… kinalabit uli ako ng babae… and this time hinawakan niya ang braso ko… napatingin ako sa babae at napangiti… aktong uupo siya pero makikita mong off balance siya, agad ko siyang inalalayan, hinawakan ko kamay niya at inusog ang upuan… sabi ko pa nga “ingat”.

maganda ang ngiti ng babae… sa pagkakataong iyon. kumakain siya ng parang snack na pahaba, at nakatingin siya sa akin habang kinakain niya ito… inalok niya ako at nangiti akong tumanggi..

mapilit ang babae at kalabit siya ng kalabit. nung humarap ako sa kanya, may ititnuturo siya pero nakatingin lang ako sa kanya…

hindi na ako nakatiis, kaya naglakas loob akong nagtanong…

“Misis, ilang taon na itong anak niyo?”

“Dalawang taon na siya this october”

“Cute naman…” sabi ko.

batang babae po ang tinutukoy ko… 🙂

mabalik tayo kay Ms. Employee.. inabot ko na yung remitters card ko at nung nakita niya ako, yung ngiting nakita ko na kita gilagid ay muli kong nakita… assuming ako masyado no.. pero nakikilala pa niya ako… magandang senyales yun…

nung tinawag ang pangalan ko, lumapit ako at nangumusta..

Potpot : Uyy musta na… daming tao no?

Ms. Employee : Oo nga sir, kakapagod na nga eh. *ngiti* paki fill-up nyo lang yan sir then hintayin ninyong tawagin number ninyo dun sa counter *ngiti*

Potpot : Ok.. thank you _________ ha.

Ms. Employee : Anytime sir…

Bumalik ako sa kinauupuan ko at sinulat ko ang detalye ng account ko… nung ako na yung tinawag sa counter.. maayos naman akong nag salita..

Potpot : Good morning!

Teller : Good Afternoon Sir…

Potpot : ayy sorry, hapon na pala *ngiti sabay abot nung papel*

Teller : *simangot* sinong nagbigay sa inyo nito sir?

Potpot : si __________.

Teller : Walang ________ dito, sino sa kanila ang nagbigay sa inyo nito? *sabay tingin sa grupo ng mga babae sa kabilang counter*

Potpot : siya yung naka red and yellow na damit.

Teller : hindi si ______ yan, si _______ yan….

tinawag niya si Ms. Employee at inisip kong hindi sila close and posibleng dalawa ang pangalan ni Ms. Employee kasi nakalagay sa name tag niya ay yung pangalang binigay ko sa teller… medyo suplada si teller…

Teller : ikaw daw nagbigay kay sir nito, pirmahan mo ito…

Ms. Employee : Ok po..

natapos yung transaction at sinabihan ako ng teller..

Teller : sir, sabihin ninyo agad sa amin yung extension ng visa niyo ha, mag eexpire na kasi eh.

Potpot : ahh ok po, inaayos na po ng kumpanya namin.

Teller : basta sir sabihin ninyo agad ha.

Potpot : ok po, thank you.

Teller : thank you din sir, at mag-ingat kayo…

Ano yun? takutin ba ako na baka mahuli ako ng japanese government dahil malapit ng mag expire ang visa ko.. iba yung tono ni Teller, masungit.. di ko siya feel.. ehehehehe..

Inayos ko ang bag ko at tumingin sa side si Ms. Employee, medyo malungkot siya at nasa photocopy machine, nakatingin ako sa kanya ng 5 segundo ng napatingin siya sa akin, tinaas ko ang kamay ko at nag wave goodbye ako…

nakita ko na nawala ang lungkot niya, pinakita ang ngiti na kita gilagid at ang kanyang kaway… paano ko ba maeexplain…. parang wala ng bukas yung kaway niya… cute siya….in fairness…

so hindi pa rin sapat ang mga ebidensya na flirting ang mga nangyayari, pero at least may mga indications na posibleng lahat ng lalake doon sa bangko ay nakikipag flirt siya… pero nagtataka rin ako uli… halos lahat ng nasa counter ni Ms. Employee ay lalake, at nung inoobserbahan ko siya.. hindi ko nakita ang ngiti niya habang kausap ang mga customer.. assuming ba ako? what do you think? parang mas successful pa yung batang babae eh…