bawal ang merry christmas…

kahapon, pumunta ako sa embahada ng Pilipinas dito sa Japan para kumuha ng OEC o Overseas Exit Clearance dahil uuwi ako para magbakasyon… ang kapirasong papel na ito ay ang magbibigay sa mga OFW ng kapangyarihan upang sugpuin ang mga aswang ng ating bayan o di kaya ay ginagamit ito kapag babalik ka na sa bansang pinagtatrabahuhan mo at para hindi ka na maglagay magbayad pa ng additional na terminal fee at chuvaness fee…

mabilis naman akong nakakuha dahil hindi naman gaanong mahaba ang pila.. sa katunayan, nag fill up lang ako ng form ng aking pangalan, address, lagda at suking tindahan at nag-ipit ng isang tide wrapper at inihulog ko sa drop box sa labas ng embahada… that was it…

pero, nung nakuha ko na ang OEC ko, at dahil masaya ako, binati ko ang nagasikaso sa akin ng “thank you po at merry christmas”… siyempre bilang Pilipino, ugali na nating bumati sa mga taong nag-aasikaso sa atin.. pero nagulat ako na kaysa magpasalamat si ateng, eh sinabihan pa ako na bawal daw bumati ng merry christmas sa immigration sa pinas… nagtanong ako kung bakit, ang sinabi lang niyang dahilan ay basta, bawal siyang banggitin sa immigration… nagtanong ako kung happy new year ba ay pwede.. pwede naman daw…

habang palabas ako ng kwarto ng labor office, iniisip ko na baka kasi malungkot ang mga nagtatrabaho sa mga araw ng pasko at para hindi sila lalong malungkot ay hindi na lang sila babatiin… pero nagtaka ako kung bakit ang happy new year ay pwede.. ahhh, naisip ko rin na baka iba-iba ang relihiyon ng mga Pilipino at para hindi ako maka-offend kung sakaling yung mabati ko ay hindi naman nagpapasko…

isinantabi ko na lang ang pag-iisip dahil marahil yun ang dahilan kung bakit pinagbawal ang pagbati ng merry christmas sa immigration sa pinas…

pagka-uwi ko ng bahay, naikwento ko sa nanay ko ang nangyari at natawa siya.. dahil ang ibig palang sabihin ng merry christmas sa wikang tagalog ay “pahingi ng lagay”… opo.. associated na rin sa corruption ang pagbati ng merry christmas… ipinaliwanag din ng nanay ko na hindi ito applicable sa mga uuwi at aalis ng bansa kundi para lang sa mga empleyado ng airport at immigration lang dahil lantaran nga ang pangongotong nila kapag sasapit na ang holiday season at para daw maiwasan ang impresyon na iyon, ipinagbawal ito… binasa ko rin ang article na ito

pero sabi dito ay “A warm and friendly smile is enough”… eh parang wala pa akong nakitang empleyado ng airport, lalo na sa immigration, ang nakangiti.. para nga laging araw ng patay dahil mukha silang nagluluksa…

sana ay mawala na sa mga ahensya ng gobyerno ang lagayan system.. bukod sa nakakahiya ito, eh nakakakonsensya na ipinapakain nila sa pamilya nila ay galing sa bulsa ng mga taong naghihirap sa ibang bansa… pwede naman tayong magbago ‘di ba? *que mangarap ka song here*

13 thoughts on “bawal ang merry christmas…

  1. di ba hindi na daw ulit bawal? pero kasi nga, dapat hindi naman ganun di ba? pwede namang bumati ng walang inaantay na regalo, ang saya yata bumati kaya naman, meri krismas!

  2. hangga’t may lupa pa at hindi pa 2012, umasa tayo na mayron pa rin positibong pagbabago sa gobyerno natin. disyembre na nga pala, so keber na! LOL. ewan ko pa potskie, minsan nawawalan na lang ako ng gana sa sistema ng bansa natin, pero para sa ikabubuti ng mga anak natin, pilit ko na lang rin na ipagpasa-Diyos ito, kaso pati yata si Lord nauumay na. hehe. anyway!
    merry christmas na lang!

  3. naranasan ko to last 2008 noong umuwi ako galing ng US. hindi naman ako binati ng merry christmas. eto lang naman ang sinabi nung hinayupak: “may pangkape ka ba jan?”. nakakaasar lang di ba?

    1. ang garapal naman nun… yun ang makapal ang mukha.. kung ako siguro yun.. bibili ako ng 3 in 1 na kape.. tapos yun ang ibibigay ko sa kanya.. para maasar lang.. ehehehehe

  4. kUNG ANG PINUNO AY BUSY SA CORRUPTION, WALA NA SIYANG ORAS PARA MAKITA O AYUSIN ANG KANYANG OPISINANG PINAMAMAHALAAN. NAKIKITA ITO NG MGA TAGASUNOD NIYA KAYA GINAGAYA SIYA. ANO BALI, IKAW LANG ANG MAGKAKAPERA? PARANG MGA MAGULANG DIN YAN, KUNG BASTOS ANG IYONG MGA MAGULANG SIYEMPRE BASTOS DIN ANG MGA ANAK. KAYA POTPOT YANG MGA MAGAGANDANG NARARANASAN AT NAKIKITA SA JAPAN, PAG DATING MO DITO AT MANANATILI KA NA SA ATING BAYAN, GUSTO KONG HUMAWAK KA NG POSITION SA LOCAL GOVERNMENT. GAYUNDIN SA PAGPAPASUNOD SA IYONG PAMILYA.

  5. kaloka nabahiran tuloy ng ibang meaning ang masaya at makulay na pagbati na ‘yan.

    sana kung di makuha sa ganda ng pasilidad ay maging maganda man lang ang serbisyo dyan. di ba nga dapat hospitable tayo.

Anong say mo?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s